លោកអូបាម៉ា ស្នើឲ្យយុវជនអង់គ្លេសបោះបង់ភាពឯកោនិយមនៅក្នុងករណី Brexit
ក្រុងឡុងដ៍ៈ ប្រធានាធិបតីអាមេរិក លោកបារ៉ាក់ អូបាម៉ា ពីថ្ងៃ សៅរ៍ បានអង្វរករក្រុមយុវជនអង់គ្លេសនៅចក្រភពអង់គ្លេសឲ្យបោះបង់ភាពឯកោ និយម និងការស្អប់ជនបរទេស មួយថ្ងៃបន្ទាប់ពីការជ្រៀតជ្រែក ក្នុងការពិភាក្សាដេញដោលគ្នាអំពីបញ្ហា Brexit ជុំវិញការធ្វើប្រជាមតិរបស់ប្រទេស នោះ ស្តីពីសមាជិកភាពរបស់ខ្លួននៅសហភាពអឺរ៉ុប។
នៅថ្ងៃចុងក្រោយនៃដំណើរទស្សនកិច្ចបីថ្ងៃ ដែលទំនងជាលើកចុងក្រោយរបស់លោកមកកាន់ចក្រភពអង់គ្លេស មុនពេលចេញពីអំណាចក្នុងខែមករា លោកអូបាម៉ា មុននេះបានប្រារព្ធខួបមរណភាពទី ៤០០ នៃអ្នកនិពន្ធ រឿងអង់គ្លេស លោក William Shakespeare ក្នុងដំណើរទៅកាន់មហោស្រព Globe នៃ ក្រុងឡុងដ៍ មុនពេលលេងវាយកូនគោលជាមួយនាយករដ្ឋមន្ត្រីដេវីដ កាមេរ៉ុន នៅខាងជើងក្រុងឡុងដ៍។
ថ្លែងទៅកាន់សវនាការនៃយុវជនអង់គ្លេស ៥០០ នាក់ លោកអូបាម៉ា បាននិយាយថា មនុស្សយើងគួរប្រកាន់យក «ទស្សនៈកាន់តែសុទិដ្ឋិនិយម»មួយ។
លោកប្រធានាធិបតី បានថ្លែងថា៖ «យើងមើលឃើញការអំពាវនាវថ្មីៗឲ្យមានភាពឯកោនិយម ឲ្យមានការស្អប់ជនបរទេសទាំងនោះ។ យើងមើលឃើញអ្នកដែល ធ្លាប់បានអំពាវនាវឲ្យដកថយនូវសិទ្ធិប្រជាជន។
អ្នកទាំងនោះ កំពុងប្រកាន់យកទស្សនៈផ្ទាល់ខ្លួនរបស់ពួកគេ និងគ្មានបំណងផ្សារភ្ជាប់ក្នុងការពិភាក្សាលទ្ធិប្រជាធិបតេយ្យមួយទេ ហើយ កម្លាំងជំរុញទាំងនោះ ខ្ញុំគិតថាយើងអាចយល់ថា ពួកវាជាប្រតិកម្មចំពោះពេលវេលាកំពុងផ្លាស់ប្តូរនិងភាពមិនប្រាកដ ប្រជា។ ប៉ុន្តែ នៅពេលខ្ញុំនិយាយទៅកាន់ក្រុមយុវជន ខ្ញុំអង្វរករពួកគេ ហើយខ្ញុំ អង្វរករពួកអ្នក ឲ្យបោះបង់ចោលការអំពាវនាវទាំងនោះ ដើម្បីទាញថយក្រោយវិញ»។
លោក បានសង្កត់ធ្ងន់ថា៖ «ខ្ញុំនៅទីនេះ គឺដើម្បីស្នើសុំអ្នកឲ្យបោះបង់ចោលសញ្ញាណដែលយើងត្រូវបានកម្លាំង រួតរឹត ដែលយើងមិនអាចគ្រប់គ្រងនោះ ហើយ ចង់ឲ្យអ្នកប្រកាន់យកទស្សនៈ កាន់តែវែងឆ្ងាយ និងកាន់តែមានសុទិដ្ឋិនិយមនៃប្រវត្តិសាស្ត្រ»។
ទាក់ទងនឹងការគំរាមកំហែងពី ក្រុមរដ្ឋអ៊ិស្លាម លោកអូបាម៉ា ក៏បាននិយាយថា ក្រុមសម្ព័ន្ធមិត្តធំបំផុតនៅក្នុងការប្រយុទ្ធប្រឆាំងនឹងភេរវកម្ម នេះ គឺបងប្អូនមូស្លីមអាមេរិក។
លោកបានថ្លែងថា៖ «បើសិនយើងទាក់ទងនឹងការស្អប់បងប្អូនមូស្លីម យើងមិនត្រឹមតែកំពុងក្បត់នឹងអ្វីដែលសំខាន់ចំពោះយើងប៉ុណ្ណោះទេ វាថែមទាំងយើងកំពុងទាក់ទងនឹងអាកប្បកិរិយាផ្តួលខ្លួនឯង បើសិនយើងម៉ឺងម៉ាត់អំពីភេរវកម្ម»។
ប្រធានាធិបតីរូបនេះ ពីថ្ងៃ សុក្រ បានព្រមានអង់គ្លេសប្រឆាំងការចាកចេញពី EU ដោយកាត់បន្ថយជម្លោះធំមួយនិងក្រុមសកម្មជន Brexit ដោយនិយាយថា ក្រុងឡុងដ៍នឹង «នៅឯក្រោយនៃការតម្រង់ជួរ» សម្រាប់កិច្ចព្រៀមព្រៀងពាណិជ្ជកម្មក្រោយ ពី Brexit មួយ៕
</div>