ទីបំផុត នាយ ក្រឹម មកអុជធូបឧទ្ទិសកុសលជូនតារាសម្ដែងជើងចាស់ ចាន់ ស៊ីផាន់ ហើយ
បន្ទាប់ពីតារាសម្ដែងជើងចាស់ ចាន់ ស៊ីផាន់ បានទទួលមរណភាព
នៅរសៀលថ្ងៃទី១២ ខែ វិច្ឆិកា ឆ្នាំ ២០១៧នេះ នាយ ក្រឹម
បានមកអុជធូបឧទ្ទិសកុសលជូនវិញ្ញាណក្ខន្ធលោកយាយហើយ
ដែលមុនចែកឋានលោកយាយចង់ជួបមុខតារាកំប្លែងរូបនេះ។
តាមការឲ្យដឹងអ្នកស្រី ឡុច សុធី ដែលត្រូវជាកូន បានប្រាប់ថា នាយក្រឹមបានមកអុជធូបឧទ្ទិសកុសលជូនវិញ្ញាណក្ខន្ធ និងចូលបុណ្យ ម្ដាយរបស់ខ្លួន ប្រហែលជាម៉ោង១រៀលនេះ។ មូលហេតុដែលនាំឲ្យតារាកំប្លែងរូបនេះ មិនបានមកមុនដង្ហើមម្ដាយអ្នកស្រីស្លាប់នេះ ក៏ព្រោះតែនាយរវល់ខ្លាំង មិនអាចដកខ្លួនបាន។
មិនត្រឹមតែនាយ ក្រឹមទេ នៅថ្ងៃនេះក៏មានអ្នកសិល្បៈផ្សេងទៀតក៏បានមកចូលបុណ្យជាបន្តបន្ទាប់ផងដែរ នាយកុយ អ្នកស្រី ឌី សាវ៉េត ក៏បានមកដូចគ្នា។
តាងនាមឲ្យក្រុមគ្រួសារទាំងមូល អ្នកស្រី ឡុច សុធី សូមថ្លែងអំណរគុណនាយក្រឹម ក៏ដូចជាអ្នកសិល្បៈ សប្បុរសជនជាច្រើនទៀត ដែលបានអុជធូបឧទ្ទិសកុសលជូនវិញ្ញាណក្ខន្ធ និងចូលបុណ្យម្ដាយរបស់អ្នកស្រី ។
តារាជើងចាស់អ្នកស្រី ចាន់ ស៊ីផាន់ បានស្លាប់ក្នុងវ័យ៩៤ឆ្នាំ កាលពីម៉ោង៤ទៀបភ្លឺថ្ងៃនេះ បន្ទាប់ពីធ្លាក់ខ្លួនឈឺជាង២ឆ្នាំមកនេះ។ តារាជើងចាស់រូបនេះក៏បានទទូចចង់ជួបមុខមិត្តរួមអាជីពមុនអ្នកស្រីចែកឋានទៅ ដូចជាចង់ជួបនាយ កុយ នាយក្រឹម ជាដើម។
ពិធីបុណ្យខួបគម្រប់ ៧ថ្ងៃ
និង១០០ថ្ងៃ របស់អ្នកស្រី ចាន់ ស៊ីផាន់ នឹងប្រព្រឹត្តទៅនៅថ្ងៃសុក្រ
ទី១៧ ខែវិច្ឆិកា ឆ្នាំ២០១៧ វេលាម៉ោង៣រសៀល នៅផ្ទះលេខ ៣៦C ផ្លូវ ៤១៨
សង្កាត់ទួលទំពូល២ ខណ្ឌ ចំការមន រាជធានីភ្នំពេញ។