ទំនិញ និង​ផលិតផល​តៃវ៉ាន់​មួយ​ចំនួន​ឥឡូវ​ត្រូវ​ចិន​ហាមឃាត់នាំចូល ដើម្បី​ឆ្លើយតប​នឹង​ដំណើរ​ទស្សនកិច្ច​របស់​លោកស្រីប្រធានសភាអាមេរិក Pelosi ទៅកាន់កោះនេះ។

នៅព្រឹកថ្ងៃទី ៣ ខែសីហា ឆ្នាំ២០២២នេះ ក្រសួងពាណិជ្ជកម្មចិនបានប្រកាសហាមប្រាមជាបន្ទាន់លើការនាំចូលផ្លែក្រូច និងត្រី២ប្រភេទពីតៃវ៉ាន់ ក៏ដូចជាការទប់ស្កាត់ការនាំចេញខ្សាច់ទៅកាន់កោះនេះ។ កាល​ពីថ្ងៃទី ២ ខែសីហា ឆ្នាំ២០២២ ​ម្សិល​មិញនេះ ក្រុងប៉េកាំងបាន​ដាក់​ទណ្ឌកម្ម​រួចទៅហើយ ទៅលើ​ទំនិញ​ផ្សេង​ទៀត រួមមាន​ទាំង​នំ និង​បង្អែមរបស់តៃវ៉ាន់​ផង​ដែរ។

តៃវ៉ាន់មានទំនាក់ទំនងសេដ្ឋកិច្ចយ៉ាងស៊ីជម្រៅជាមួយប្រទេសចិន ដែលបាននាំចេញទំនិញជិត 30% នៃការនាំចេញសរុបរបស់ខ្លួនទៅកាន់ទីផ្សារចិន និងជាដៃគូពាណិជ្ជកម្មដ៏ធំបំផុតរបស់ខ្លួន។ ប៉ុន្តែគេសង្កេតឃើញថា អ្វីៗនឹងផ្លាស់ប្តូរ បន្ទាប់ពីដំណើរទស្សនកិច្ចរបស់ប្រធានសភាអាមេរិក Pelosi ទៅកាន់ដែនកោះមួយនេះ៕