ទើបចេញពីកម្ពុជា ហុងដា បង្ហើបចង់ដឹកនាំក្រុមថៃ ឬប្រទេសមួយចំនួនដែលចង់លេង World Cup
លោក កីស៊ូកិ ហុងដា បានប្រកាសនៅលើបណ្ដាញសង្គម Facebook របស់ខ្លួន ដោយចាប់អារម្មណ៍ទៅលើប្រទេសដូចជា អូម៉ង់ ញ៉ូហ្សើឡែន អារ៉ាប់រួម ថៃ និងបណ្ដាប្រទេសទៀតដែលចង់ចាប់ឱកាសលេង World Cup 2026 ខាងមុខនេះ។
លោក កីស៊ូកិ ហុងដា បានលាអ្នកគាំទ្រហើយ ក្រោយចូលកាន់តំណែងដឹកនាំក្រុមជម្រើសជាតិកម្ពុជារយៈពេល ៥ឆ្នាំ។ ភារកិច្ចចុងក្រោយរបស់លោក គឺដឹកនាំក្រុមជម្រើសជាតិកម្ពុជាអាយុក្រោម ២២ឆ្នាំ កម្ពុជា ប្រកួតទល់នឹង ក្រុមជម្រើសជាតិឥណ្ឌូណេស៊ី អាយុក្រោម២២ឆ្នាំ ក្នុងព្រឹត្តិការណ៍កីឡាអាស៊ីអាគ្នេយ៍លើកទី ៣២។ ជាលទ្ធផលនៅស៊ីហ្គេម ក្រុមកម្ពុជាធ្លាក់ត្រឹមវគ្គចែកពូលហើយ និងនេះក៏ជាពេលវេលាក្នុងការលាគ្នាជាមួយហុងដាផងដែរ។
ក្រោយពីចាកចេញពីកម្ពុជា លោក ហុងដា បានបង្ហាញអារម្មណ៍នៅលើបណ្ដាញសង្គមបែបនេះថាលោកចាប់អារម្មណ៍ទៅដឹកនាំប្រទេសមួយចំនួនដូចជា អូម៉ង់ ញ៉ូហ្សើឡែន អារ៉ាប់រួម ថៃ និងបណ្ដាប្រទេសទៀតដែលចង់ចាប់ឱកាសលេង World Cup 2026 ខាងមុខនេះ។ ខណៈដែលការបង្ហោះនេះ បានធ្វើឱ្យបណ្ដាអ្នកគាំទ្រជាច្រើនភ្ញាក់ផ្អើលមែនទែន។ អ្នកគាំទ្រថៃ ក៏មិននឹកស្មានតែថា លោក ហុងដា ចេញពីតំណែងអ្នកចាត់ការក្រុមកម្ពុជាភ្លាម បែរជាស្វែងរកឱកាសដឹកនាំក្រុមនៅបណ្ដាប្រទេសផ្សេងទៀតទៅហើយ ជាពិសេសជម្រើសជាតិថៃតែម្ដង៕
.png)
.png)
.png)
.jpg)
.jpg)
.jpg)
.jpg)
.png)
.png)
.png)
.png)