ធ្លាយដំណឹង គ្រូ និងសិស្សជាច្រើននាក់នៃសាលាឯកជនមួយឆ្លងកូវីដ១៩ និងប្រភេទបំប្លែងថ្មី អូមីក្រុង
តាមសេចក្ដីជូនដំណឹងរបស់សាលាឯកជនមួយ ជម្រាបជូនមកមន្ទីរអប់រំយុវជន និងកីឡានៃរដ្ឋបាលខណ្ឌសែនសុខ បានឲ្យដឹងថា មានគ្រូបង្រៀនម្នាក់ រួមនឹងសិស្សចំនួន ៨នាក់ផ្សេងទៀត បានតេស្តរកឃើញវិជ្ជមានកូវីដ១៩ និងមេរោគបំប្លែងខ្លួនថ្មី អូមីក្រុង ទាំងអស់គ្នា។
លិខិតជូនដំណឹងរបស់សាលាឯកជនដដែល បានជម្រាបជូនថា សាលាបានធ្វើតេស្តលើសិស្ស និងលោកគ្រូ អ្នកគ្រូរបស់ខ្លួនដែលបានមកបង្រៀន និងរៀនចំនួន ១៩៧នាក់ ស្រី ៩៥នាក់ ក្នុងនោះសិស្សចំនួន ១៨៥នាក់ ស្រី ៩១នាក់ ។ ជាលទ្ធផលបានរកឃើញគ្រូបង្រៀន និងសិស្សរបស់ខ្លួនសរុបចំនួន ៩នាក់វិជ្ជមានកូវីដ១៩ និងប្រភេទបំប្លែងខ្លួនថ្មី អូមីក្រុង។