ភាពខុសគ្នារវាងជំងឺផ្តាសាយ និងជំងឺអាលែកហ្ស៊ី

22 Sep 2020 សុខភាព

ផ្តាសាយ និងអាលែកហ្ស៊ីនឹងអ្វីមួយអាចបណ្តាលឱ្យមានរោគសញ្ញាស្រដៀងគ្នា ហើយការស្វែងរកថា តើអ្វីពិតប្រាកដដែលអ្នកកើតនោះ គឺជាជំហានដំបូងឆ្ពោះទៅរកការព្យាបាល ។ ផ្តាសាយបណ្តាលមកពីមេរោគមួយ ក្នុងចំណោមមេរោគច្រើនជាង២០០០ ដែលអាចឆ្លងពីមនុស្សម្នាក់ទៅមនុស្សម្នាក់ទៀត ។

ប្រតិកម្មអាលែកហ្ស៊ីនឹងអ្វីមួយ វាមិនអាចឆ្លងទេ ព្រោះវាបណ្តាលមកពីសារធាតុដែលធ្វើឱ្យយើងមានប្រតិកម្មដូចជា លំអងដែលធ្វើឱ្យប្រព័ន្ធការពាររាងកាយពីជំងឺមានប្រតិកម្មខ្លាំង ។ ក្នុងរដូវរំហើយដើមឈើ និងស្មៅមានកម្រិតលំអងខ្ពស់ ដែលធ្វើឱ្យកណ្តាស និងមានរោគសញ្ញាដូចផ្តាសាយ ចំពោះជនជាតិអាមេរិកប្រហែល៦០ លាននាក់ ដែលមានជំងឺរលាកច្រមុះ ដែលជាទូទៅគេស្គាល់ថា hay fever ។

ACAAI បាននិយាយថា មានរបៀបមួយចំនួនដែលអាចបែកចែកឱ្យដឹងពីភាពខុសគ្នារវាងអាលែកហ្ស៊ី និងជំងឺផ្តាសាយ ។ ជំងឺផ្តាសាយជាធម្មតាមានការវិវឌ្ឍដែលចាប់ផ្តើមពីតឹងច្រមុះ,រលាកបំពង់ក និងក្តៅខ្លួន តិចៗ បន្ទាប់មកកណ្តាស និងហៀរសំបោរ មានស្លេសក្រាស់ហើយច្រើនតែមានពណ៌លឿង ឬបៃតង ។ ជាទូទៅរោគសញ្ញាអាលែកហ្ស៊ីរួមមានកណ្តាស,រមាស់ភ្នែក និងច្រមុះ ប៉ុន្តែស្លេសថ្លាធម្មតា ។

ក្នុងពេលជំងឺផ្តាសាយមានរយៈពេល១ទៅ ២សប្តាហ៍ រោគសញ្ញាអាលែកហ្ស៊ីនៅតែបន្ត និងអាចកាន់តែខ្លាំងប្រសិន បើអ្នកនៅតែបន្តប៉ះនឹងអ្វីដែលធ្វើឱ្យអ្នកប្រតិកម្ម ។ អាលែកហ្ស៊ីនៅរដូវរំហើយអាចមានរយៈពេល៦សប្តាហ៍ ឬ យូរជាងនេះ ។

ការឈឺចាប់ និងក្តៅខ្លួនបញ្ជាក់ថា អ្នកមានជំងឺផ្តាសាយ ប៉ុន្តែអាការរមាស់ភ្នែក គឺជាភស្តុតាងនៃអាលែកហ្ស៊ី ។

ឈឺបំពង់ក និងក្អក អាចមាននៅពេលអាលែកហ្ស៊ី ប៉ុន្តែភាគច្រើនវាជារោគសញ្ញានៃជំងឺផ្តាសាយ ។ ក្អកគឺជាលក្ខណៈទូទៅនៃជំងឺផ្តាសាយ ប៉ុន្តែវាក៏អាចជាសញ្ញានៃប្រតិកម្មដែលទាក់ទងនឹងជំងឺហឺត ជាពិសេសចំពោះកុមារ ៕

អត្ថបទពេញនិយម

ភាពខុសគ្នារវាងជំងឺផ្តាសាយ និង​ជំងឺអាលែកហ្ស៊ី​

ភាពខុសគ្នារវាងជំងឺផ្តាសាយ និងជំងឺអាលែកហ្ស៊ី