កុមារាជនជាតិខ្មែរ អាយុ៣ឆ្នាំ ឆ្លងកូវីដ១៩
កុមារាអាយុ៣ឆ្នាំជាជនជាតិខ្មែរបានឆ្លងជំងឺកូវីដ១៩ ដែលមានឪពូក-ម្ដាយ ជាអ្នកវិជ្ជមានកូវីដ១៩ មានលំនៅបូរី លឹម ឈាងហាក់ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ ហើយកុមារារូបនេះ ត្រូវជាក្មួយប្រុសរបស់បុរសអាយុ២៣ឆ្នាំ ដែលបានរកឃើញវិជ្ជមានកូវីដ១៩ កាលពីថ្ងៃទី០២ ខែធ្នូ ឆ្នាំ២០២០។
ក្រសួងសុខាភិបាលបានប្រកាសនៅព្រឹកថ្ងៃទី០៤ ខែធ្នូនេះថា មនុស្សចំនួន៤នាក់បានរកឃើញវិជ្ជមានកូវីដ១៩ នៅព្រឹកនេះ ក្នុងនោះមានកុមារាអាយុ០៣ឆ្នាំខាងលើ ដែលជាប់ពាក់ព័ន្ធនឹងព្រឹត្តិការណ៍ ២៨ វិច្ឆិកា។
ប្រទេសកម្ពុជាមានអ្នកឆ្លងជំងឺកូវីដ១៩សរុបចំនួន ៣៣៥នាក់ ក្នុងនោះបានព្យាបាលជាសះស្បើយចំនួន៣០៤នាក់ និងអ្នកកំពុងសម្រាកព្យាបាលនៅមន្ទីរពេទ្យមិត្តភាពខ្មែរ សូវៀត មានចំនួន២៦នាក់ និងមណ្ឌលសុខភាពចាក់អង្រែ រាជធានីភ្នំពេញ ចំនួន ០៥នាក់៕