ខែក្រោយ បើចង់បន្តប្រើ WhatsApp អ្នកប្រើត្រូវតែយល់ព្រម ឲ្យចែករំលែកព័ត៌មានខ្លួនជាមួយ Facebook
WhatsApp នឹងចាប់ផ្ដើមចែករំលែកទិន្នន័យទិន្នន័យរបស់អ្នកប្រើជាមួយនឹង Facebook ដែលជាលក្ខខណ្ឌមួយនៃការប្រើប្រាស់កម្មវិធី តម្រូវឲ្យអ្នកប្រើប្រាស់យល់ព្រម។
វាគឺជាការសម្រេចចិត្តមួយដែលខុសគ្នាទាំងស្រុង ប្រៀបនឹងពេលដែល Facebook ទើបទិញ WhatsApp ដំបូងក្នុងឆ្នាំ ២០១៤ ក្នុងទំហំទឹកប្រាក់ ១៩ពាន់លានដុល្លារ។ ពេលនោះ WhatsApp បានធានាថាទិន្នន័យរបស់អ្នកប្រើនឹងបន្តនៅជាឯកជន ហើយមិនចែករំលែកជាមួយ Facebook នោះទេ។
ការផ្លាស់ប្ដូរគោលការណ៍នេះ បានចាប់ផ្ដើមលេចចេញដំបូងកាលពីឆ្នាំ ២០១៦ ពេលដែល WhatsApp ចាប់ផ្ដើមចែករំលែកទិន្នន័យជា Facebook ជាលក្ខណៈ Default ដែលពេលនោះអ្នកប្រើប្រាស់អាចមានសិទ្ធបិទមិនឲ្យមានការចែករំលែកបាន។
យ៉ាងណាក្ដីនៅថ្ងៃទី៨ ខែកុម្ភៈ ខាងមុខនេះ អ្នកប្រើប្រាស់ WhatsApp នឹងមិនមានជម្រើសអ្វីនោះឡើយ គឺត្រូវតែទទួលយកការផ្លាស់ប្ដូរដែលតម្រូវឲ្យមានការចែករំលែកទិន្នន័យរបស់ខ្លួនជាមួយ Facebook ប្រសិនបើពួកគេចង់ប្រើប្រាស់ WhatsApp ជាបន្ត៕