ប្រេងសាំងលក់ក្នុងទីផ្សារងងឹត នៅប្រទេសស្រីលង្កា មានតម្លៃថ្លៃកប់ពពក!

16 Aug 2022 ពត៍មានអន្ដរជាតិ

ប្រទេសស្រីលង្កា កំពុងជួបវិបត្តិសេដ្ឋកិច្ចយ៉ាងធ្ងន់ធ្ងរ ដោយនាំឱ្យមានកង្វះប្រេងសាំង ហ្គាស និងថ្នាំពេទ្យសម្រាប់បម្រើឱ្យដល់ទីផ្សារក្នុងស្រុក។ បញ្ហានេះបានជម្រុញឱ្យអតីតប្រធានាធិបតី លាលែងពីតំណែងថែមទៀតផង។

ទីផ្សារងងឹត ឫ Black Market បានចាប់ផ្តើមកើនឡើងស្របពេលដែលមានកង្វះប្រេងសាំងធ្ងន់ធ្ងរ។ បើតាមកិច្ចសម្ភាសន៍រវាងសារព័ត៍មាន CNA និង អ្នករត់កង់បីម្នាក់នៅក្នុងប្រទេសស្រីលង្កា បានឱ្យដឹងថា លោកបានលក់ប្រេងសាំងតាមទីផ្សារងងឹតដោយបានតម្លៃថ្លៃកប់ពពក។ អ្នករត់កង់បីរូបនោះបន្តថាតម្លៃប្រេងសាំងលើទីផ្សារធម្មតាលក់ក្នុងតម្លៃ ៤៥០រូប៊ី (១,២៦ដុល្លារអាមរិក) ក្នុង១លីត្រ ប៉ុន្តែនៅពេលពួកគេទិញពីលោក លោកលក់ក្នុងតម្លៃរហូតដល់ទៅ ២៥០០រូប៊ី ទៅ ៣០០០រូប៊ី ក្នុង១លីត្រ។

ប្រទេសអាសុីដែលមានប្រជាជនរស់នៅជាង ២២លាននាក់នេះ បានធ្លាក់ផុងចូលជ្រៅក្នុងវិបត្តិសេដ្ឋកិច្ច និងជំពាក់បំណុលបរទេសជុំទិស ដែលបណ្តាលឱ្យពលរដ្ឋរស់នៅយ៉ាងលំបាក ដោយសារកង្វះប្រេងសាំង ហ្គាស និងថ្នាំពេទ្យជាដើម។ អតីតប្រធានាធិបតីបានបង្ខំចិត្តភៀសខ្លួនចេញពីប្រទេស បន្ទាប់ពីពលរដ្ឋបាននាំគ្នាធ្វើបាតុកម្ម ហើយសម្រុកចូលទៅក្នុងវិមានប្រធានាធិបតី៕

អត្ថបទពេញនិយម

ប្រេងសាំងលក់ក្នុងទីផ្សារងងឹត នៅប្រទេសស្រីលង្កា មានតម្លៃថ្លៃកប់ពពក!